kandila

para akong nauupos na kandila sa gabi

o dili kaya ay isang dahon na nalalaglag sa tabi

nararamdaman kong hindi niya ako mahal sa paraang nais k

o habang ako'y patuloy pa rin umaasa

na baka sakaling sa pagpuno ko sa kanyang kakulangan

maisip niyang karapat dapat ako para sa kanya

patuloy akong nag iisip

habang di mababakas sa aking mukha ang lungkot na dala ng katotohanan

sa mga mata ko nasasalamin ang kahungkagan na aking nararamdaman

patuloy akong ngumiti sa tuwing siya ay bumabaling sa aking gawi

kahit anong pigil ko sa aking mga luha tila dadaloy ng walang patid

talaga namang nagnanais na kumala at bumalong sa aking pisngi

sana'y mabago ko pa ang isip mo

habang ikay nasa piling ko

nais ko sanang piliin mo ako

kung pwede ko lang ipagsiksikan ang sarili ko sayo

at ibulong na sana minsan naman isipin mo ang nararamdaman ko

kahit minsan pwede bang ikonsidera mo ako sa buhay mo

pahalagahan mo naman ang pagkalinga at pag unawa na binibigay ko sayo

pakiusap linawin mo kung ano ang katayuan ko

sagutin mo kung ano ba ko talaga para sayo

ginagamit mo lang ba ako para may maiparada ka sa mga kaibigan mo?

mahal mo ba talaga ako gaya ng sinasabi mo?

o sadyang panakip butas lang sa kakulangan ng iyong pagkatao?